Nani rejected blockbuster movies: టాలీవుడ్లో నేచురల్ స్టార్ నాని ఇప్పుడు మాస్ ఇమేజ్ దిశగా బలంగా అడుగులు వేస్తున్నాడు. గతంలో లవర్ బాయ్ ఇమేజ్తో ప్రేమ కథలు చేసిన అతడు, ఇక మూస ధోరణిని వదిలేసి ప్రయోగాత్మక కథలతో ఆడియన్స్ను ఆశ్చర్యపరుస్తున్నాడు. దసరా, ప్యారడైజ్ లాంటి సినిమాలతో మాస్ లుక్ను బిల్డ్ చేసుకుంటున్నాడు. ఈ మార్పు అతడి కెరీర్కు కొత్త ఊపిరి పోసింది.
అసిస్టెంట్ డైరెక్టర్గా ప్రారంభించి, అష్టచెమ్మతో హీరో అయిన నాని, జాగ్రత్తగా కథలు ఎంచుకుంటూ ఒక్కో మెట్టు ఎక్కాడు. ప్రస్తుతం శ్రీకాంత్ ఓదెల దర్శకత్వంలో ది ప్యారడైజ్తో మరోసారి తన సత్తా చాటాలని ప్రయత్నిస్తున్నాడు. ఈ సినిమా హిట్ అయితే అతడు టైర్-1 హీరోల జాబితాలో స్థానం సంపాదించుకునే అవకాశం ఉంది.
అయితే ఎంత పెద్ద స్టార్ అయినా కొన్ని మంచి కథలు మిస్ అవుతాయి. టాలీవుడ్ టాక్ ప్రకారం నాని కూడా నాలుగు బ్లాక్బస్టర్ హిట్లను రిజెక్ట్ చేశాడట. ఆ సినిమాలు వేరే హీరోలతో విడుదలై భారీ విజయాలు సాధించాయి.
మొదటిది ఇష్క్. విక్రమ్ కే కుమార్ దర్శకత్వంలో నితిన్ హీరోగా వచ్చిన ఈ లవ్ స్టోరీ కథ మొదట నాని దగ్గరకే వచ్చిందట. అతడు బిజీగా ఉండటంతో నితిన్ చేశాడు. ఆ సినిమా యంగ్ హీరో కెరీర్ను మార్చేసింది.
రెండోది భలే మంచి రోజు. శ్రీరామ్ ఆదిత్య దర్శకత్వంలో సుధీర్ బాబు హీరోగా వచ్చిన ఈ సినిమా కథ కూడా నానికే చెప్పారట. కొన్ని కారణాల వల్ల అతడు దూరమయ్యాడు. సినిమా విడుదలై మంచి గుర్తింపు తెచ్చుకుంది.
మూడోది సీతారామం. హను రాఘవపూడి దర్శకత్వంలో దుల్కర్ సల్మాన్ హీరోగా వచ్చిన ఈ రొమాంటిక్ డ్రామా కథ నాని కోసమే రాసుకున్నారట. కానీ అప్పటికి మాస్ ఇమేజ్ వైపు మొగ్గు చూపిన నాని దాన్ని తిరస్కరించాడు. ఆ సినిమా బ్లాక్బస్టర్ అయింది.
నాలుగోది లక్కీ భాస్కర్. వెంకీ అట్లూరి దర్శకత్వంలో మళ్లీ దుల్కర్తో వచ్చిన ఈ సినిమా కూడా మొదట నాని కోసమే ప్లాన్ చేశారు. కొన్ని మార్పులు సూచించినా అంగీకరించకపోవడంతో దుల్కర్ చేశాడు. సూపర్ హిట్ అయింది.
ఈ నాలుగు సినిమాలు నాని చేసి ఉంటే అతడి కెరీర్ మరో స్థాయికి చేరేదని చాలామంది అంటున్నారు. కానీ ప్రయోగాలకు ప్రాధాన్యత ఇస్తూ పాన్ ఇండియా ఇమేజ్ బిల్డ్ చేసుకుంటున్న నాని నిర్ణయం సరైనదే అనిపిస్తోంది.
