Flipkart Biometric Payment: ఫ్లిప్కార్ట్ వినియోగదారులకు సూపర్ సదుపాయం వచ్చేసింది. ఇకపై షాపింగ్ చేసి పేమెంట్ చేసేటప్పుడు ఓటీపీ కోసం ఎదురు చూడాల్సిన బాధ లేదు.
ఆన్లైన్ కొనుగోళ్ల సమయంలో చెల్లింపులు సాఫీగా, వేగంగా పూర్తి కావాలంటే భద్రత కూడా ముఖ్యం. ఫ్లిప్కార్ట్ ఈ సమస్యను తీర్చేందుకు బయోమెట్రిక్ పేమెంట్ సేవను ప్రారంభించింది. యాక్సిస్ బ్యాంక్, పేయూ సంస్థలతో కలిసి తీసుకొచ్చిన ఈ కొత్త వ్యవస్థతో ఇక ముఖం లేదా వేలి ముద్ర ద్వారా క్షణాల్లో లావాదేవీలు పూర్తి చేయవచ్చు.
Face ID లేదా Fingerprint ఉపయోగించి చెల్లింపులు చేయడం వల్ల ఆలస్యం, మెసేజ్ రాకపోవడం వంటి సమస్యలు పూర్తిగా తొలగిపోతాయి. ఆండ్రాయిడ్, ఐఓఎస్ ఫోన్ వాడేవారందరూ ఈ సౌకర్యాన్ని సులభంగా ఉపయోగించవచ్చు.
ఈ వ్యవస్థలో డివైస్ బైండింగ్, బ్యాంక్ స్థాయి వెరిఫికేషన్ వంటి భద్రతా చర్యలు ఉన్నాయి. దీని వల్ల చెల్లింపుల వేగం పెరగడమే కాకుండా ఆన్లైన్ మోసాలు కూడా గణనీయంగా తగ్గుతాయి. సైబర్ నేరగాళ్లు ఓటీపీ దొంగిలించినా లేదా సిమ్ స్వాప్ చేసినా మీ ఖాతాకు హాని కలగడం దాదాపు అసాధ్యం. మీ ఫోన్లోని వ్యక్తిగత బయోమెట్రిక్ ఫీచర్లు మాత్రమే ఉపయోగపడతాయి కాబట్టి భద్రత బలపడుతుంది.
పేయూ వ్యాపార వైపు డిజిటల్ మౌలిక సదుపాయాలను నిర్వహిస్తుంది. యాక్సిస్ బ్యాంక్ ఖాతాదారుల బయోమెట్రిక్ వెరిఫికేషన్ను చూసుకుంటుంది. దీనికి పేయూ అనుబంధ సంస్థ ‘విబ్మో’ సాంకేతిక సహకారం అందిస్తుంది. ఈ మూడు సంస్థల సమన్వయం ఫలితంగా వినియోగదారులకు సురక్షితమైన, సౌకర్యవంతమైన అనుభవం లభిస్తుంది.
గమనిక: ఇది ఆర్థిక సేవలు సంబంధిత సమాచారం. మీ ఖాతా భద్రత కోసం అధికారిక యాప్ లేదా వెబ్సైట్ ద్వారా మాత్రమే లావాదేవీలు చేయండి. ఏవైనా సందేహాలు ఉంటే సంబంధిత బ్యాంక్ను సంప్రదించండి.
