India Post 24 SpeedPost: ఈ రోజుల్లో సమయం అనేది డబ్బు కంటే ముఖ్యం. ముఖ్యమైన డాక్యుమెంట్లు లేదా పార్సెల్స్ ఒక రోజు ఆలస్యం అయినా పనులు పాడవుతాయి. ఇలాంటి సమస్యలను పరిష్కరించడానికి ఇండియా పోస్ట్ కొత్త మార్గం చూపించింది.
24 స్పీడ్పోస్ట్ సేవ ఇప్పుడు అందుబాటులోకి వచ్చింది. కేంద్ర మంత్రి జ్యోతిరాదిత్య సింధియా మరియు సహాయ మంత్రి డా. చంద్ర శేఖర్ పెమ్మసాని ఈ సేవను మార్చి 17 నుంచి అధికారికంగా ప్రారంభించారు.
ప్రధాన నగరాల మధ్య డాక్యుమెంట్లు పంపితే మరుసటి రోజే చేరేస్తారు. ఢిల్లీ, ముంబై, చెన్నై, బెంగళూరు, హైదరాబాద్, కోల్కతా వంటి చోట్లకు ఈ సౌకర్యం లభిస్తుంది.
24 స్పీడ్పోస్ట్తో ఒక్క రోజు డెలివరీ, 48 స్పీడ్పోస్ట్తో రెండు రోజుల్లో డెలివరీ హామీ. ప్రత్యేక ఎయిర్ ట్రాన్స్పోర్ట్ మరియు త్వరిత ప్రాసెసింగ్ వల్ల ఈ వేగం సాధ్యమవుతోంది.
లీగల్ అగ్రిమెంట్లు, బ్యాంక్ డాక్యుమెంట్లు, ఇన్సూరెన్స్ పేపర్లు, మెడికల్ రిపోర్టులు వంటి సమయ సంబంధిత వస్తువులకు ఇది చాలా ఉపయోగకరం. ఆలస్యం జరిగితే మనీ-బ్యాక్ గ్యారంటీ కూడా ఉంది.
ఓటీపీ ఆధారిత సెక్యూరిటీ, పూర్తి ట్రాకింగ్, ఎస్ఎంఎస్ అలర్టులు ఈ సేవను మరింత నమ్మకమైనదిగా చేస్తాయి. ఖరీదైన ప్రైవేట్ కూరియర్లపై ఆధారపడాల్సిన అవసరం తగ్గింది.
ఇండియా పోస్ట్ ఈ కొత్త సేవతో వినియోగదారుల సౌకర్యాన్ని మరింత పెంచింది. వేగం, నమ్మకం, తక్కువ ఖర్చు – మూడింటినీ ఒకేసారి అందిస్తోంది.
