PM Kisan 22nd Installment Update: పీఎం కిసాన్ సమ్మాన్ నిధి పథకం ద్వారా రైతులకు ప్రతి సంవత్సరం ఆర్థిక సహాయం అందుతోంది. 22వ విడత డబ్బు కోసం దేశవ్యాప్తంగా రైతులు ఆశతో ఎదురుచూస్తున్న సమయంలో కేంద్రం ఇచ్చిన అప్డేట్ వారిని తీవ్ర నిరాశకు గురి చేసింది.
74 లక్షల మందికి పైగా రైతులు ఈసారి పథకం ప్రయోజనం పొందలేరు. వారి పేర్లు లబ్ధిదారుల జాబితా నుంచి తొలగించబడ్డాయి.
పథకం మొదలైన 2018-19లో సంవత్సరానికి రూ.6,000 ఇవ్వడం రైతులకు చాలా ఉపయోగపడేది. ఎరువులు, విత్తనాల కొనుగోలు సులభంగా జరిగేది. కానీ ఇప్పుడు ధరలు బాగా పెరగడంతో అదే మొత్తం సరిపోవడం లేదు. దీంతో రైతులలో పథకం పట్ల ఆసక్తి తగ్గుతోంది.
రెండో కారణం కేంద్రం అనర్హుల పేర్లను క్రమం తప్పకుండా తీసివేయడం. ఇలా చేయడం వల్ల నిజమైన అర్హులైన రైతులకు మాత్రమే సహాయం చేరేలా చూస్తున్నారు.
ఇప్పటి వరకు లబ్ధిదారుల సంఖ్యలో మార్పు ఇలా ఉంది:
| వివరం | రైతుల సంఖ్య |
|---|---|
| మునుపటి లబ్ధిదారులు | 10,06,85,615 |
| 22వ విడత లబ్ధిదారులు | 9,32,00,000 |
మార్చి 13న సాయంత్రం 5 గంటలకు ప్రధాని మోదీ గౌహతిలో 22వ విడత నిధులను విడుదల చేయనున్నారు. రైతుల బ్యాంక్ అకౌంట్లలో అదే రోజు లేదా మరుసటి రోజు డబ్బు జమ అయ్యే అవకాశం ఉంది.
21వ విడత మిస్ అయిన రైతులకు ఈసారి రూ.4,000 వరకు జమ కావచ్చు. ఒకవేళ రూ.2,000 మాత్రమే వస్తే వ్యవసాయ శాఖ అధికారులను సంప్రదించి ఫిర్యాదు చేయవచ్చు.
eKYC తప్పనిసరి. పీఎం కిసాన్ పోర్టల్లో ఓటీపీ ఆధారంగా లేదా సమీప మీసేవా కేంద్రంలో బయోమెట్రిక్ ద్వారా పూర్తి చేసుకోవాలి.
తమ పేరు జాబితాలో ఉందో లేదో తెలుసుకోవడానికి pmkisan.gov.inలో Know Your Status ఆప్షన్ను ఉపయోగించండి. మొబైల్ నంబర్ లేదా ఆధార్ నంబర్ ఇవ్వగానే స్టేటస్ కనిపిస్తుంది.
అర్హత ఉన్నా పేరు తొలగించబడితే మీసేవా కేంద్రం ద్వారా మళ్లీ జోడించించుకోవచ్చు.
గమనిక: ఈ సమాచారం సాధారణ ప్రయోజనాల కోసం మాత్రమే. అధికారిక వివరాలకు pmkisan.gov.in వెబ్సైట్ను సంప్రదించండి.
